Friday, March 11, 2011

FLYKU MENERAISSSS...@ BILAKANG SG SEPI

Jumaat 11.3.2011 jam 7 pagi, lama sudah nda memfly rasanya kali ani aku turun memfly sorang saja di bilakang sg SEPI. Baru jua memfly, ternyata beberapa kali bulan-bulan sudi menyambar flyku dan akhirnya naik jua 1st bulan-bulan ku untok tahun ani.
Setelah atu aku pun mencuba lagi memfly dan kali ani nda disangka-sangka bulan-bulan strike yang ke2 telahpun disambar lagi uleh selunsong kira2 berat sekitar 3 kg, apalagi panic tah ku tarus terkaran uleh selunsong yang menyambar bulan-bulan didepan mataku sendiri sampaikan reel flyku menerais berabis membuatkan ku kabak2 dengan leader 10lbs dan tippet 15lbs yang ku gunakan namun dalam 2 minit pertarungan akhirnya bulan-bulan atu dimuntahkannya balik, melepas lagiku kan renew lesen barra kali ani...lihat tah usul sisik bulan-bulan ani habis telakap uleh selunsong...
Sebelum balik sempat lagi ku memfly lagi dan berhasil lagi dengan bulan-bulan yang ke3, nda apa next tym revenge lagi.....memang syok jua layan selunsong dengan fly ani...hanya mampu tersenyum2 plus kajar2 sorang diri saja tadi hehe....

No comments:

Post a Comment