DANAN BACK IN ACTION @ LUBOK SANGKUT

Rabu 24/03/2010 pukul 3.30 ptg Jimi datang kerumah Asat Albab membuat kejutan kan membawa membarablak diLUBOK SANGKUT yang mana masa atu hujan barai2. Apa lagi Asat Albab pun tanpa membuang masa layan jua lah,biasa lah mun mengasting ani,tulak makan, tau tak ape,hehehe...Dalam perjalanan kelubok, hujan pun reda dan sempat lagi durang sms untok meracun Danan tapi ia masih lagi bekerja. Sampai saja diLUBOK SANGKUT biasalah masing2 tah membawa diri, lebih kurang dalam sejam durang cast, sekong barablak pun nda ada strike, macam2 lure katak dan popper diorang pakai pun nda ada strike, kemungkinan bekas hujan atu kali lah, Danan yang keracunan pun datang tarus tah jua join cast. Lebih kurang setengah jam Danan cast pun nda jua ada strikenya. Alum jua durang mau mengaku kalah, maseh lagi memajal selagi alum gelap, last2nya Danan belureh sekong dalak merupakan dalak yang ke16 baginya, atu pun last2 minit, tapi syukur Alhamdulillah jua lah rezeki Danan kali ani. Walaupun Asat Albab sama Jimi nda belureh namun kawan belureh jadi tah, nda apa Asat Albab dan Jimi sabar saja esok2 lusa maseh ada, "Sekajap ada, sekejap takde" hehehe.....Tahniah Danan...
Ani lure seahawk mini frog milik Danan yang berhasil memikat seekor dalak tadi.