Sabtu 20.3.2010 jam 4.30ptg aku, Hj Fadil dan Pak Chile turun mencuba lagi cast toman dilubok diam tapi berisi. Setibanya disana macam biasa bekayuh dulu sudah sampai dispot tersebut kami pun mula cast. Aku menggunakan lure popper strike pro red head 2inch tujuan untok kan mengambil anak toman saja kan dipelihara dalam aquariumku tiba2 kana strike uleh mama toman apalagi sibuk seperahu mengambil siut tapi sayangnya terlepas yang membari herannya toman ani nda berapa agresif. 3 ekor anak toman telah pun dapat uleh ku, lapas atu baru tah ku tukar pakai popper strike pro yg 3inch namun nda ada monster toman yang sudi menyambar. Pak Chile yang masih menggunakan lure popper eupro nya dalam masa menggarau tali dekat perahu, dikejutkan dengan seekor toman monster anggaran dalam 5kg keatas menyambar poppernya sampaikan kami semua jadi panic tapi sayangnya terlapas jua sampaikan trible hooknya langkang disebabkan drag spoolnya diketatkan habis, sayang tuh....selepas atu Pak Chile cuba menukar lagi lure popper chug bug yang redhead lagi pun sama kana sambar uleh toman cuma sayangnya terlepas jua, alum tah ada rezekinya kali ani...
Lure yang dibawah atu popper strike pro redhead ku yg 2inch pakai ku mengambil anak toman pun kana sambar toman monster hehe..yang ditengah atu lure popper eupro milik Pak Chile yang kana sambar uleh Toman monster liat hooknya tebangkang tuh....dan yang di atas sekali atu popper chug bug redhead Pak Chile jua yang kana sambar sampaikan pattern badannya telakap bakas gigitan toman...
Anitah 4 ekor anak toman yg ku perolehi dilubok diam2 berisi, ku pelihara arah aquariumku. Selalunya kalau baru dapat toman ani dalam seminggu baru ia mau makan tapi ani baru jua kemarin lureh baru tadi ku bagi bengkutut sudah pandai makan syukur tah ia mau udah tu...
No comments:
Post a Comment