MENDALAK LAGI......@ EPM

Khamis 12.11.2009 sebelah pagi antara yang turun mengasting Madi, Emi dan Capt Shah(K2G Crew) manakala aku masa atu kaja kali ah. Kali ani Capt Shah sudah ada heng sampai ia belurih 2 ekor dalak tapi sayang gambarnya masih dalam cameranya kelupahan ngambil tadi. Nda jua kurang hebatnya Emi ani menaikkan sekor dalak hasil usaha memajal sama Madi yang jauh dari Tutong datang ke EPM ani.Santai banar durang dua ani berehat dulu sangal udah tangan mengasting macam menunggu umpan kana makan ada jua usulnya hehe....

Sebelah petang, durang bertiga awal jua sudah turun di empangan sampailah aku dalam jam 5ptg alum jua ada hasil yang diperolehi. Akhirnya Capt Shah sekali lagi beraksi dengan sekor dalak dan tarus tah diambil gambarnya takut kelupahan lagi kali ani. 3ekor dalak sudah berjaya dinaikkan uleh Capt Shah dan Emi seekor dalak pagi dan petang tahniah kawan memajal jua banar kamu atu hehe.....

Anitah hasil memajal durang ani belurih jua mengasting walaupun toman yang ditunggu nda ada munculnya.Cangrate eh.....