MEMAJAL MENDALAK LAGI TUH.....!

Isnin 9.11.2009 jam 6 pagi sudah 2 orang member kami Rimi sama Madi mendalak di spot pertama iaitu Layong. Rimi yang sudah 3 minggu tidak beraksi sudah keracunan uleh kami apalagi nda membuang peluang masa offnya ani sama Madi untuk mengasting dalak yang mana 2 kali terlapas dan Madi spinner sama scum frognya habis sangkut dispot Layong. Jam 8 pagi nda ada strike lagi, durang pun berpindah lagi kespot seterusnya iaitu diPeranginan Parit dari jam 9 sampai jam 10 saja durang disana walaupun aing masa atu nda ngam tapi memajal jua durang ani kelurusan aing bangat lagi.....abis main drift tia dalak disana atu haha... Last spot durang mencuba diBekiau lagi macam tour banar eh durang ani baru ya memajal ,sesampainya disana jam 10.30 , tanpa membuang masa Rimi pun tarus tah mengasting pun jua kecundang 2 kali akhirnya berkat sabar dan memajal naik tah jua Dalak 1.4kg pakai lure katak SPRO. Tahniah Rimi jangan nda memajal, pajal ja haha.....