Selasa 19/10/2010 jam 07.00 pagi, pemburu bersiri tomanlak Capt Asat Albab dan Khairul aka langkang kali ani beraksi di sungai Kuala Belait beralih tujuan meandapong dan cast pula. Setelah sampai ke destinasi memang nda sabar rasanya apabila meliat laut taduh dan air sungai pun begitu cun melecun untok cast dan meandapong hati pun bebelah bagi jadinya, mau nda mau cast jua di dahului. Setelah beberapa jam cast langsung nda ada strike mau pun miscallnya, tarus tah memancing andapong baru jua dalam 5 minit meandapong, Khairul aka langkang berjaya menaikkan seekor andapong dan juga kitang mana kala Asat Albab bejaya menaikkan beberapa ekor kitang jua. 
Cuma seekor andapong saja yang sudi makan umpan bubok durang kali ani yang lainnya kitang sama baby kerapu saja, apa2 pun syukur Alhamdulillah ada jua kan dibawa balik tu geng,hehe walau bagaimana pun TAHNIAH Khairul aka langkang dan Asat Albab..
No comments:
Post a Comment