Thursday, April 1, 2010

MENDALAK @ LUBOK MENYANGKUT

Khamis 1.4.2010 jam 8.30 pagi aku, Emi, Madi dan Asat Albab turun mendalak di lubok spinner janggut tebabut namun nda ada strike disana lapas atu kami berpindah di sebelah dalam lagi tempat yang belum kami cubai lagi yang kami liat melalui google map. Asat Albab dan Madi menjadi orang depan masa atu sebab durang ani membawa pemarang pakai menabas hehe...sampai dispot tersebut orang pertama mencuba ialah Emi namun nda jua ada strike lapas atu aku lagi mencuba menggunakan lure seahawk beracun baru jua cast sudah kana strike uleh dalak tapi ugat saja. Madi lagi mencuba seterusnya sama jua ugat lapas atu baru tah Asat Albab beraksi ternyata sentuhan cifu kali ani menjadi menggunakan lure scum frog hitamnya dan seekor dalak berjaya dinaikkan, lapas atu nda lagi ada strike. Madi secara senyap2 berpindah disebelah hadapan lagi tau2 ia kana strike tarus riuh dalam hutan ulehnya sampaikan aku sama Emi begegas kan arahnya. Seekor dalak berhasil dinaikkan uleh Madi dan sekali ugat merupakan dalak yang ke19 baginya. Emi sekali ugat dispot atu, alum lama kami arah Madi baru tah Asat Albab menyusuli kami dibelakang kali ani masih jua lure scum frognya lagi kana strike uleh dalak merupakan dalak yang ke62 baginya setakat ani sudah. Uleh kerana lubok ani alum benama kami panggil tah lubok ani lubok menyangkut apa nda lureku 2 biji menyangkut disana hehe... Tahniah Asat Albab dan Madi...Ani tah lure scum frog Asat Albab yang beracun hehe....

No comments:

Post a Comment