DALAKKU YANG KE12 @ LUBOK TEPUROK....

Isnin 15.2.2010 jam 5.30 petang aku sama Madi turun diLubok Tepurok yang tak dirancang uleh kami sebetulnya, tibanya kami spot tersebut aingnya masa atu sudah pun surut namun kami masih memajal jua masuk kedalam lagi yang mana banyak halangan yang kami hadapi sampaikan aku sama Madi tepurok menyebabkan kasut bot kami teparam dalam tanah licak yatah pasalnya kami panggil lubok Tepurok ni hehe....
Berbaloi jua aku akhirnya lurih 1st strike dalak dengan menggunakan lure seahawk mini frog ku merupakan dalak yang ke11 bagiku kali ani.
2nd strike lurih lagi ku dalak dengan lure seahawk mini frog jua dan kali ani dalak yang ke12 lagi. Madi 1x ugat dan 1x putus, naik sudah dalak monster tapi baru jua kan menarik ketambing dalak atu masih lagi pacik2 hingga menyebabkan tali braided powerpro 20lb putus sempat jua Madi membuang dalak atu kerumput tapi dalak atu lagi cepat melompat keaing sampaikan Madi terajun kan menyelamatkan dalak atu namun nda lagi dapat diselamatkan. Sabar Madi lubok tepurok pasti "WE'LL BE BACK AGAIN"