SINTAK LABUH DI DANAU MENJERIT PADA 13.7.2008

Trip kami pada 13.7.2008 di Danau Menjerit kurang membrangsangkan kali ini sama jua durang Kb ians yang awal sdh disana dlm jam 5 pagi udah memacak kail bisdurang ah. Umpan udang king size memang susah dicari masa ani sehinggakan kami terpaksa memakai udang $1-10 cmon. Bapa cMajidi ada jua membawa umpan banting2 yang baru dirambatnya pada awal pagi diSungai Liang Setelah menunggu lama umpan udang kami tidak ada reaksi yg mendebarkan kami pun mengubah umpan udang kepada banting2 pula pun jua nda da aksi yang mendebarkan sehinggalah dalam pukul 2ptg tadi C Achin menukar teknik beanjun menggunakan umpan udang barulah ada hasil dengan beberapa ekor kalakitok.Membari gatal hati jua kan turut stylenya atu sampaikan cKupek sama aku pun ikut jua hehehe.....akhirnya hasil yang di naikkan sebanyak 116 ekor kalakitok. siuk jua eh daripada nda da, nyaman jua tuh.... mun dirabus hehehehe............

Dua beradik Kupek n Achin memang hantu selunsong tapi tadi tukar jadi hantu kalakitok hahaha.........

Umpan banting memang banyak diperolehi bapa Majidi diSungai Liang. Apalagi tukar umpan lah cetanya kami ah....pasal umpan udang kami kurang memberangsangkan pun jua banting2 ah alum ada strike bahaya.

CMajidi tekun memigang jorannya walaupun cuaca panas terik maklum stnby umpan banting2 kali ah....

Anitah hasilnya 116 ekor kalakitok sintak labuh lehnya mun balum habis umpan bnyk lagi naik hehehe....kami balik dlm kul 5.30ptg, ikan kami bagi 5 n balik2 kerumah tarus kana goreng sodap tuh.......