Tuesday, December 29, 2009

MD RAFIE VS SELUNSONG @ MPR

Isnin 28.12.2009 jam 5 pm Jaki bersama familynya bejalan ke MPR lagi yang mana dirancang uleh bini Jaki sendiri yang memang minat mancing jua. Kali ani Madi pun ikut join sama durang disebabkankan keracunan uleh Jaki hehe....Macam biasa petang atu memang nda ada strike tapi sudah malam baru tah ada kana layan umpan durang. Madi terlepas sekali uleh selunsong manakala Jaki sama bininya nda ada lurih tepaksa tah jadi tukang siut anaknya Md Rafie yang jadi hero malam atu menaikkan 2 ekor selunsong. Lapas adinya lurih selunsong 2 hari lapas kali ani abangnya lagi belurih selunsong. Aduh....! sakit tah kepala babahnya ni meliat juniornya pulang belurih selunsong tambah2 lagi anaknya atu begaya pakai globe sponsor by Mamanya, baru ada gaya mutu keunggulan hehe....bravoooo...!

No comments:

Post a Comment