AMUKAN SELUNSONG WAKTU BULAN TERANG @ DANAU SUDAH MENJERIT

Selasa 2.3.2010 jam 7 malam aku, Madi, Majidi dan Ejal biras majidi turun di Danau lagi kan mengintai selunsong lagi. Seawal jam 7 hingga 9 belum lagi ada tanda2 umpan kami kena sambar uleh selunsong sehinggalah ketika aku kan bepanyap mulih kan mengaga bini balik kaja dalam jam 9.15 malam waktu atu bulan sudah muncul dan terang benderang ulehnya di Danau nda lagi payah kan belampung lagi dalam siok2 bercerita sambil menunggu pancing Madi mengambil keputusan kan mencek umpannya tau2 pancingnya sudah kena strike selunsong, sibuk jua kami berempat ulehnya akhirnya berhasil jua seekor selunsong berat ngam2 4kg merupakan selunsong yang ke2 buat Madi kali ani.Solid hookup matakail Madi ngam arah bibir karasnya pucat jua mua Madi malam atu alum masuk siut alum senyum hahaha.......

Selunsong strike ke2 pancing Majidi lagi jadi sasarannya alum lama aku balik Majidi berhasil menaikkan seekor selunsong lagi merupakan selunsong ke2 jua baginya kali ani. Tahniah Majidi dan Madi berhasil sudah ni membuatkan Danau sudah betul2 Menjerit.