Jumaat 6.11.09 seawal pagi sudah kami menuju kespot membarab dan Capt Shah(K2G Crew) sudah pun berada dispot pertama sebelum aku(Azlan) dan Madi sampai disana. Memang Capt Shah ani semangat banar udah kan membarab sampai lurenya tersangkut tapi sanggup jua ia ani turun mengambil lurenya tarus tah ia teliat lure popperku yang menyangkut minggu lapas udah. Thnks Capt Shah selamat jua popperku bebalik arahku semula hehe...Sesudah beberapa kali mengcasting nda da strike dari barab kami pun pindah ke spot seterusnya kira2 15minit bejalan batis bepaluh jua ulehnya. Setibanya kami disana masing2 ambil tempat strategy aku masa atu stnby udah pakai lure spinner merah hitam apalagi cast tarus lah tapi nda ada strike jua sampai sangkut lure ku uwaaa...baru bali lagi tuh. Capt Shah menggunakan lure keramatnya Shad Rap pun jua belum ada strike barab sampailah Madi yang masa atu pakai lure popper Albino menerima sambaran dari barab masa atu ia jauh dari kami sampai harik2 ia ani apalagi kami pun tarus belusir arahnya tekaran ulehnya eh.
Aku pun tarus tukar lure popper yang mana sebelum ani nda pandai belurih membarab pakai popper ani. Nda sangka ani tah 1st tym ku belurih barab pakai popper sebelum ani lure spinnerlah menjadi lure keramat untokku membarab. Memang siok jua banar pakai popper ani kana sambar barab baru nampak agressif usulnya.
Capt Shah sudah keracunan uleh kami susah sudah hati sekawan ani takut jadi ketua kampung janya hehe...baik jua masa atu Madi teliat barab ada dipermukaan aing tarus bagitaunya Capt Shah apalagi tarus tah ia mengcast tmpt yang diliat uleh Madi dengan menggunakan lure popper baru dibalinya berhasil menaikkan seekor barab akhirnya nda menyasal pakai trademark "Palanya pinggir dulu" haha...baru nampak muka ada banyak senyum .
Sebelum balik lure popper Albino Madi lagi menyangkut habis bye2 jua arah kayu.Madi melepaskan balik barab ulehnya memandangkan container yang kami bawa nda basar cuma 2 ekor ja kami bawa balik untokkan dipelihara dikolam sama aquarium.
No comments:
Post a Comment