1st strike popper strike pro ku kana sambar uleh barab tapi miscal aduh... luan laju ku tu menggulung. Lama jua menunggu kan ada strike barab ani malar udah kami teliat barab menungap dipermukaan aing nganya nda jua ya mau strike lure kami. Sementara kami berehat disebabkan kepenatan lagipun cuaca panas banar kami makan dulu yang ditaja uleh nasi Ayam Abang Capt Shah, thnks bro....lainkali mun ada bawa lagi ah..hehe...Selepas makan apalagi kami sambung semula cast nda semana2 popper strike pro Albino abangku (Ahmad Popper) dibubut uleh barab tapi alum lagi ya mau menyambar. Pajal punya pajal akhirnya disambarnya jua popper milik abangku(Ahmad popper)walaupun kami semua sudah mencuba ikut mengcast. Baru ya heng kail baru dibalinya rod Abu Garcia Conolon 6'1' sama spool Abu Garcia Cardinalnya atu puas jua hatinya.
Sudah nda lagi ada strike kami pun pindah kespot seterusnya masing2 nda lagi sabar kan mencuba nasib. Popper milik Ahmad Popper sekali lagi kana sambar uleh barab dibawanya udah poppernya tinggalam tapi sudah Ahmad strike balik, hook poppernya terlapas dari mulut barab ternyata bebarab jua tampat ani walaupun sungainya damit. Aku masa atu pakai lure spinner beracun harap2 nasib menyebelahi aku kali ani, nya orang mun kabak2 memang ada kan menyambar tu sekali banar jua kana sambar spinnerku semua betumpu meliat arahku mangsa alum kelihatan, sudah ya melumpat rupanya Dalak kami fikir barab nda apa yang penting ada strike jua hehe...dalak atu ku release balik semula kehabitat asalnya. Selepas nda lagi ada strike jam 1.30ptg kami pun balik dengan harapan next trip ada barab monster yang dinaikkan.
No comments:
Post a Comment