Sabtu 7.11.09, aku(Azlan) kelurusan offduty sama Capt Shah(K2G Crew) betolak dari Jerudong pada jam 2ptg ke Ulu Tutong, sementara atu member kami 2 orang lagi Madi sama Asmadi menunggu kami di Tutong sudah. Setibanya kami disana kira2 jam 4.30ptg masing2 tah kami mengambil tempat beberapa kali jua kami mengasting alum jua ada strike Barab sehinggalah popper milik Capt Shah disambar rakus uleh Barab sampaikan rodnya macam C udah bentuknya tapi sayangnya telapas tia alum lagi rezekinya kali ani yatah nda betidur ni malam ani janya hehe....selang beberapa minit baru tah popper strike pro milikku yang baru ku tukar matakailnya kana sambar uleh Barab. Alhamdulillah...ada jua rezeki atu nda jua kesunyian barab ku dikolam kali ani bedangan tia udah. Selepas atu nda lagi ada sambaran barab, ku cuba lagi pakai spinner ternyata ada strike jua masih tapi sayang terlapas kali ani, sudah ku cek matakailnya belingkuk kedalam tah pulang bakas dikerajakan uleh barab ah, basar usulnya barab atu....fikir2kan tia mun kan membarab tepaksa tah pakai matakail taguh ni.
Anitah Barab yang ke7 bagiku pada tahun ani memang lure popperku sudah ada heng selain dari lure spinner beracun ku, harap2 belurih yang monster lagi pada masa akan datang, amin.....!
Popper Strike Pro anitah yang menjadi pertaruhanku nasib jua ku tukar hooknya, mula2nya hooknya luan damit lagipun hook yang ditangah patah kelurusan barab atu tekana arah hook yang tangah2 jua lagi mun nda sia2 pun eh hehe.....
No comments:
Post a Comment