Rabu 23.6.2010 jam 7.30 pagi, aku sama Madi turun memancing diDanau lagi dan setibanya disana rupanya Kupek, Amizul dan bininya sudahpun sampai diDanau. Aing masa atu mulai surut perlahan dan beansur semakin deras yang membuatkan kami mencuba sekejap saja dan belum ada hasil. Aku, Madi dan Kupek pun berpindah ke Keramut lagi kan mencuba mengintai ungah sekalinya kami sampai disana Asmadi bersama iparku sudah pun memancing dari awal pagi lagi, sama jua belum ada hasilnya. Lama jua menunggu pancing kana strike sehinggalah dalam masa sejam baru tah pancingku berhasil dengan seekor ketutu junior saja dan dibawa balik kan disimpan dalam aquarium. Jam 11 kami pun balik dan dalam perjalanan balik, Amizul telah mms arahku yang mana ia belurih cuma seeekor ketambak saja di Danau, syukur tah daripada nda ada langsung sebelum dilepaskan semula kehabitat asalnya.
Anitah saja lurihku di Keramut tadi, betutu oh betutu junior hehe...lesen jua tuh..
Rabu 23.6.2010 jam 7.30 pagi, aku sama Madi turun memancing diDanau lagi dan setibanya disana rupanya Kupek, Amizul dan bininya sudahpun sampai diDanau. Aing masa atu mulai surut perlahan dan beansur semakin deras yang membuatkan kami mencuba sekejap saja dan belum ada hasil. Aku, Madi dan Kupek pun berpindah ke Keramut lagi kan mencuba mengintai ungah sekalinya kami sampai disana Asmadi bersama iparku sudah pun memancing dari awal pagi lagi, sama jua belum ada hasilnya. Lama jua menunggu pancing kana strike sehinggalah dalam masa sejam baru tah pancingku berhasil dengan seekor ketutu junior saja dan dibawa balik kan disimpan dalam aquarium. Jam 11 kami pun balik dan dalam perjalanan balik, Amizul telah mms arahku yang mana ia belurih cuma seeekor ketambak saja di Danau, syukur tah daripada nda ada langsung sebelum dilepaskan semula kehabitat asalnya.
No comments:
Post a Comment