IKAN PUTIH , KERAPU DAN UNGAH @ DANAU

Ahad 28.2.2010 jam 3 petang aku sama Madi turun memancing di Danau lagi dengan berumpankan udang yang hanya tinggal $1 saja arah cMon di Keramut namun masih jua kami memajal yang mana disebelah pagi Bugul, Madi, Yahya, Asmadi, Jaki bersama bininya dan Amizul bersama family sudah pun turun memancing di Danau tapi nda ada berhasil cuma Jaki dan Madi saja ada strike tapi putus. Setibanya di ujung Danau aku sama Madi pun memasang pancing masing2 dan selepas melabuh pancing aku mengambil kesempatan untok mengasting jua tapi nda ada berhasil. Jam 4 ptg Yawang pun sampai kan mengasting sama jua alum jua ada hasil masa atu.1st strike ku sekong ikan putih saja masa atu Madi sama Yawang siok2 beceta pikir durang selunsong mula2 mengambil siut udah Madi sekali lenguran daa....nda jadi menyiut haha..

Lapas atu Yawang pun cast lagi akhirnya lureh ya sekong ungah dengan lure rapala redhead countdown nya sebelum atu ia pakai lure rapala shadrap mula2 dan kana strike alu2 tapi sayangnya telapas sampaikan belubang lure rapalanya.

Alum lama Yawang lureh ungah, 2nd strike pancingku mengena lagi dengan sekong kerapu alhamdulillah meriah jua cikit petang atu walaupun berbekalkan umpan cuma $1 saja nda jua sunyi macam sebelah pagi hehe...